Stórdansleikur með Helga Björns og Reiðmönnum Vindanna

Mótið í beinni útsendingu?
14.08.2016
Dagskrá
Dagskráin
23.08.2016
Sýna allt

Stórdansleikur með Helga Björns og Reiðmönnum Vindanna

Ríðum sem fjandinn!

Nú líður að hinni árlegu bæjarhátíð Sandgerðinga, Sandgerðisdögum, en aðaldagskrá hátíðarinnar fer fram helgina 26.- 28. ágúst. Eitt af stærstu atriðum Sandgerðisdaga er stórdansleikur með Helga Björns og reiðmönnum vindanna en þeir leika fyrir dansi í hinu víðfræga samkomuhúsi bæjarins á föstudagskvöldinu.

Það má því búast við hörku fjöri og geta dansþyrstir Suðurnesjamenn sannarlega dansað af sér skóna þetta kvöld og gera má ráð fyrir að fjölmargir slagarar fái að hljóma í Samkomuhúsinu.

Þess má geta að 25 ára aldurstakmark er á ballið og fer forsala aðgöngumiða fram í Reynisheimilinu mánudagskvöldið 22. ágúst frá kl. 18:00 – 22:00.

Miðaverð í forsölu er aðeins 3000 kr en 3500 kr við hurð.
Við viljum vekja athygli á því að þáttakendur í Norðurbæ/Suðurbæ leikunum fá aðgöngumiðann á ballið á 2500 kr við hurð.