Skráning er hafin í stærstu knattspyrnuveislu ársins

Það styttist óðum í keppni Norðurbæjar og Suðurbæjar.

Mótið fer fram að þessu sinni föstudaginn 30. ágúst og að sjálfsögðu er hin eina sanna saltfiskveisla á sínum stað.

Dagskráin er í mótun og verður hún birt á næstunni.

Að lokinni saltfiskveislu/skemmtikvöldi fer fram dansleikur í Samkomuhúsinu á vegum knattspyrnudeildar Reynis þar sem vinsælasta danshljómsveit landsins Albatross mun halda uppi stemmningunni fram á rauða nótt.

Endilega takið daginn (og nóttina) frá.

Skráið ykkur tímanlega í gegnum skráningarformið með því að smella hér